Alvalon lat upp 28. august 2006 og tað vóru uml. 115 børn og 28 starvsfólk, ið byrjaðu tá. Barna- og starvsfólkatalið broytist frá ár til ár. 
Summarið 2018 eru 223 børn/ung og 40 starvsfólk.

Í juni 2006 valdi Sørvágs Kommuna at hava ein navnakapping, og uppskotini vóru mong, ið komu inn. Ein navnanevnd varð sett og kom fram til, at Alvalon var best hóskandi navnið til stovnin. Alvi merkir barn og lon merkir avlangt hús, so hetta hóskaði seg sera væl, og navnið var vælumtókt millum fólk.
Tað vóru tvey, ið høvdu uppskotið Alvalon, tí var lutakast millum hesi bæði og vinnarin var Jóan Hendrik Winther Poulsen.

Tá Alvalon lat upp, húsaðist frítíðarskúlin eisini í Alvalon. Hetta er broytt, frítíðarskúlin er farin oman í Sýsluna og frítíðarskúlin er nú fyri børnum úr fyrsta flokki til triðja flokk. 
Í februar mánaði 2018 byrjaði Ungdómshúsið fyri børnum og ungum úr aldrinum fjórða flokki til átjan ár. Tey halda til í Sýsluni.
-----------------

Vegna økt barnatal í kommuni síðstu árini, hevur bygdaráðið avgjørt at Alvalon og Sýslan frá 01. januar 2022 verða tveir stovnar, við hvør sínum leiðara.